ES: Íslendingar taka undir við føroyingum

Men íslendska ríkisstjórnin hevur ikki umrøtt møguleikan at koma við einari yvirlýsing um, at Ísland stuðlar Føroyum í stríðnum við ES, sigur uttanríkisráðharrin við Morgunblaðið.

Hann sigur, at tað kann ikki góðtakast, at ES, sum er eitt stórveldi, skal hótta lítil lond við handilsforðingum.

Eins og hini strandarlondini góðtekur Ísland ikki føroysku sildarkvotuna. Men tað, sum ES nú ger, loysir ikki ósemjuna, sigur íslendski uttanríkisráðharrin. 

Gunnar Bragi Sveinsson sigur, at setir ES í gildi handilsforðingar móti Íslandi, eru tær ólógligar.

Sambært íslendsku stjórnini eru einastu tiltøk, sum sambært heimshandilsstovninum WTO, eru lóglig, forboð móti beinleiðis landingum hjá skipum, sum fiska eitt nú makrel og sild.

Slíkt forboð hevur Norra havt móti Íslandi og Føroyum í tvey ár. 

Forboð móti øðrum innflutningi eru ólóglig, sigur íslendska stjórnin.