Veit ikki um hann fer upp í annan flokk

Samstundis sum Janus Rein er farin upp í Fólkaflokkin á tingi, boðar borgarstjórin í Vestmanna, Pauli T. Petersen, frá, at hann ætlar sær ikki at stilla uppaftur fyri Fólkaflokkin til løgtingið. Hann var nr. 13 á løgtingsvalinum í 2011, men Pauli T. Petersen hevur ikki avgjørt, um hann fer upp í nakran annan flokk. 

Vónsvikin

Tað sigur hann í dag, eftir at tað í gjár ljóðaði, at hann var á veg uppí Tjóðveldi. Pauli T. Petersen er vónsvikin av skattapolitikkinum, tí bara tey, sum forvinna nógv, fáa nakað burtur úr flatskattinum, meðan miðal- og láginntøkurnar hava einki fingið burturúr, sigur hann.

Fiskivinnupolitikkinum tekur Pauli T. Petersen heldur ikki undir við.

Meiri verður at frætta í útvarpstíðindunum.