Fútarætturin tekur støðu í næstu viku

Johan Dalsgaard og hansara fólk í Famará sleppa at vera har í hvussu so er eina viku afturat.

Tí ikki fyrr enn á middegi fríggjadagin í næstu viku tekur Fútarætturin avgerð um kravið hjá Búnaðarstovuni um at koyra fólkini í Famará út. Fútarætturin viðgjørdi málið fyrrapartin.

Thorkild Høyer, advokatur hjá Johan og Rakul Dalsgaard og Rúna Joensen, kravdi, at Fútarætturin vísir málinum frá sær.

Ella, í øðrum lagi, at fólkini ikki verða koyrd út, fyrr enn Fiskimálaráðið hevur avgreitt kærurnar um avgerðina hjá Búnaðarstovuni at lata Jens Hera Jacobsen í Sumba fáa festið í Famará.

Staðfestir Fiskimálaráðið, at Jens Heri Jacobsen hevur fest Famará av røttum, flyta Johan Dalsgaard og tey úr Famará, varð upplýst í Fútarættinum fyrrapartin.

Meiri verður at frætta í útvarpstíðindunum.