- Tíðindi, mentan og ítróttur
ICES mælir til nógv størri makrel- og svartkjaftaveiðu
ICES mælir til nógv størri makrel- og svartkjaftaveiðu
Mæla til at økja veiðuna uppí 890.000 tons næsta ár. Í ár var tilmælið 542.000 tons. Ósemja ger, at umleið 900.000 tons verða fiskað í ár
03.10.2013 - 11:51
Samstundis sum ICES mælir til at fiska munandi meir av makreli, so mælir stovnurin til at minka um royndina eftir sild.
ICES mælir til ikki at fiska meir enn 418.000 tons av sild næsta ár. Tað eru 200.000 tons færri enn í ár.
Í ár mælti ICES til at fiska 619.000 tons av sild. Men ósemjan ímillum strandalondini ger, at tað verða fiskað útivið 700.000 tons av sild.
Svartkjafturin er væl fyri og tí mælir ICES til, at fiskast kunnu 949.000 tons í 2014. Í ár er tilmælið 643.000 tons.
Tað merkir, at føroysk skip fáa millum 70 og 80.000 tons av svartkjafti aftrat næsta ár.
Er kopiera
Nýggjastu sendingar í ÚV
Nýggjastu sendingar í SV
