10 kommunulæknar í Fuglafirði í ár

Tá fólk í Fuglafirði hava tørv á at fara til kommunulækna, so vita tey ongantíð, hvør lækni tekur ímóti teimum.

Netavísin skrivar, at síðani í juli hava sjey ymiskir kommunulæknar verið í Fuglafirði. Og tá komið er til desember, hava 10 ymiskir kommunulæknar verið í Fuglafirði í fimm mánaðir.

Netavísin vísir á, at tað var øðrvísi fyrr, tá Emma Vinther var kommunulækni. Hon byrjaði sum kommunulækni í Fuglafirði í 1954 og var kommunulækni har í 27 ár.

Listin yvir kommunulæknarnar, sum virka í Fuglafirði í ár, sæst á heimasíðuni hjá kommununi.