Hálka steðgaði týskum ferðafólkum í Íslandi

300 týsk ferðafólk, sum vóru í Íslandi við Norrønu, sluppu ikki aftur til Seyðisfjarðar í gjárkvøldið, tí teir fýra bussarnir sluppu ikki oman brekkuna móti Seyðisfirði fyri hálku. Bjargingarfeløgini á Egilsstøðum og Seyðisfirði noyddust at fara at hjálpa ferðafólkunum, so tey sluppu oman til Seyðisfjarðar.

Ferðafólkini komu við Norrønu á Seyðisfjørð, og fóru við bussum til Egilsstaðir og aðra staðni har á leiðini. Tá tey skuldu aftur til Norrønu, kundu bussarnir ikki koyra oman móti Seyðisfjarðar, tí vegurin var vorðin sera hálur.

Fingu tilboð um kreppuhjálp

Týsku bussførararnir tordu ikki at koyra oman, og teir fingu boð frá sínum arbeiðsgevarum um at biðja um hjálp. Bjargingarfólkini koyrdu ferðafólkini til Seyðisfjarðar í øðrum bilum og minni bussum.

Eingin fekk mein, men summi ferðafólk vóru so skelkað av hendingini, at tey fingu tilboð frá Reyða Krossi um kreppuhjálp um borð á Norrønu, veit íslendska kringvarpið at siga. Sambært einum bjargingarmanni hevði onkur bussur ketur, men antin kundu tær ikki brúkast ella vóru tær oyðilagdar.

Norrøna fer av Seyðisfirði til Havnar í kvøld klokkan átta.