Mentarsøgulig skip fáa nú stuðul

Nú ber til at søkja um stuðul og rakstur til mentanarsøgulig skip. Stuðulin er tilsamans 400.000 krónur í ár, og Bjørn Kalsø, landsstýrismaður, hevur gjørt av, at meginparturin, t.e. 370.000 kr., verður rakstrarstuðul, og 30.000 krónur verða settar av til átekningar.

Tað eru Søvn Landsins, sum umsita stuðulin til mentanarsøgulig skip. Freistin at søkja er 1. november.

Lógin kom í vár

Løgtingið samtykti í  vár lóg um stuðul til mentanarsøgulig skip, og í summar var kunngerðin lýst. Hon ásetur, hvussu stuðulin verður býttur, eftir tilmæli frá Søvnum Landsins.

Bjørn Kalsø, landsstýrismaður, sigur, at mentanarsøguligu skipini hava stóran týdning, men tað er fíggjarliga tungt at reka tey. Og lógin kann vera við til at stuðla sjálvbodnu kreftunum, ið virka fyri at hava skipini siglandi.