Útoyggjar - tær smæstu oyggjarnar í Føroyum: Fugloy, Svínoy, Kalsoy, Mykines, Koltur, Hestur, Skúvoy og Stóra Dímun.

Tað hevur leingi verið víst á avbjóðingarnar, sum tær hava. Fólkatalið er ein. Seinastu fimm árini er fólkatalið á hesum oyggjum minkað við góðum nýggju prosentum - frá 235 fólkum niður í 216 fólk. Og tað er ikki bara seinastu árini, at fólkatalið er minkað, men tað er eitt rák, sum hevur verið leingi.

Men hvat skal til fyri at venda gongdini? Kann hon vendast ella um so er, hvør eigur uppgávuna at gera nakað við tað?

Eru tað arbeiðspláss, sum eru neyðug? Eru tað bústaðir ella er tað nakað heilt annað?

Føroyar vera riknar við grønari orku í 2030.

Ella vera vit tað?

Framleiðslan av grønari orku minkaði eitt vet í fjør samanborið við árið fyri. Samstundis vaks eftirspurningurin eftir orku munandi.

Hesi bæði viðurskifti gjørdu, at grøna orkan í 2019 einans veitti góð 40 prosent av samlaðu streymframleiðsluni.

Í 2015 hevði SEV sum mál, at 55 prosent av framleiðsluni skuldi koma frá varðandi keldum.

Sama ár fekk SEV stóra virðisløn.

Tað var visjonera ætlanin um, at í 2030 skal øll orka á landið koma frá varandi keldum, saman við nýggjum royndarskipanum, framsøkni og nýskapan í strembanini eftir at brúka grønu okru, sum tryggjaði SEV stóra heiðurin hjá Norðurlandaráðnum.

Tað segði stjórin í SEV Hákun Djurhuus eftir hann hevði fingið virðislønina.

Nú eru tíggju ár til álmanakkin vísur 2030, og lutfallið av grønari orku í stikkkontaktunum er nú minkað. 

Tá tað var uppá tað mesta vóru 60 prosent av orkuni framleidd frá varandi keldum. Hetta var í 2015.

Síðan tá eru uml 50 prosent framleidd við grønari orku á hvørjum ári, men í fjør minkaði hetta niður í 40 prosent.

Tí spyrja vit í dag um 2030 ætlanin enn er eitt realistiskt mál við vaksandi elorkutørvinum í samfelagnum, OG hvat skal til fyri at røkka málinum?

Innflytinging av rúsevnum kemur ikki bara í størri mongdum - royndir hjá bæði Taks og løgregluni vísa, at smuglingin er alt meiri skipað. 

Og millum børn og ung er rúsevnið lætt at fáa hendur á siga tey, sum arbeiða við fyribyrging. 

Í breddanum í dag hyggja vit uppá vaksandi trupulleikan við rúsevnum. 

Tað eru bakmenn í Føroyum og har er eisini samband til bandaumhvørvið í Danmark, sigur Jan Johannesen

Eisini á taks hava tey varhugan av, at smuglingin av rúsevnum til Føroya er óvuliga skipað. Jens Kristian Olsen er toll-leiðari á Taks

Luttakarar: Helgi Abrahamsen, Jørgen Niclasen, Jógvan Joensen, Óla Jákup úr Dímun, Jóhanna Maria Isaksen, Terji Nielsen, Jan Johannesen, Jens Christian Olsen, Birna í Hjøllum Hentze og Martin Kúrberg.

Sendingina gjørdu Hallur av Rana, Tróndur Olsen og Marjun Dalsgaard. Redaktørur var Sólvit Nolsø