Radarin
Sannlíkt er, at ein radari skal byggjast í Føroyum. TV2 bar tíðindini í gjár um, at ein radari fyri 390 millióir krónur skal gerast í Føroyum. Semja er eisini um, at 1,5 milliardir krónur skulu brúkast í Arktis millum annað til dronur. Jenis av Rana, landsstýrismaður, tvíheldur um, at einans føroyingar gera av, um radari skal setast upp. 

Føroyskir sjúklingar í Danmark
Sjúkrahúsverkið fær fleiri áheitarnir frá sjúkum fólki, sum ynskja at verða koppsett móti koronu, til dømis áðrenn tey fara til Danmarkar í sjúkraørindum. Ofta verða tey skuffað.

Vit tosa við ein sjúkling, sum kennir seg ótryggan uttan koppsetingina, og við Tummas í Garði, læknafakligan varastjóra í Sjúkrahúsverkinum.

Politisku avleiðingarnar eftir málið um barsil til samkynd
Málið um at javseta samkynd foreldur við hinskynd í barsilsskipanini fall sum kunnugt týskvøldið, og tað gjørdu bæði broytingaruppskotini eisini. 
Spurningurin er nú um tað fær nakrar politiskar fylgjur fyri Johan Dahl, at hann atkvøddi við andstøðuni í málinum. 

Eirikur Lindenskov, blaðstjóri, viðmerkir málið.

Koppseting í fátøkum londum
Tað eru nú fleiri fólk koppsett, enn tað eru fólk, sum hava verið sjúk av korona. Men tað eru eisini yvir 130 fátøk lond, sum enn ongan persón hava koppsett. Føroyskir hjálparfelagsskapir eru við í altjóða samstarvi í royndini at fáa koppingarevni út til tey fátøku londini, og tað eru eisini tað besta fyri okkara egnu heilsu, at vit eru við til at tryggja, at fátøk lond eisini fáa atgongd til koppsetingina, sigur serlæknin Shahin Gaini.

Luttakarar eru Benjamin Thomassen, Tummas í Garði, Jenis av Rana, Bárður Atlason Ísheim, Shahin Gaini og Eirikur Lindenskov