- Tíðindi, mentan og ítróttur
Breddin
Bárður á Steig Nielsen, løgmaður, misti tolið við landsstýrismanninum í uttanríkis- og mentamálum, Jenisi av Rana í gjár, tí hann yvir eitt longri tíðarskeið hevur bjóðað diplomatisku og rúmligu tilgongdini hjá sær av, sum løgmaður málbar seg.
Tí fekk landsstýrismaðurin durafjórðingin frá honum í gjár.
Mest sannlíka úrslitið av hesum er, at vit fáa eitt løgtingsval í úrtíð, sum helst verður tíðliga í desember.
Sum svar uppá, at løgmaður í gjár sendi Jenis av Rana til hús, tók Miðflokkurin seg úr samgongusamstarvinum, og tí fær samgongan ikki longur talt upp í 17, sum er lægsta talið á tingfólkum fyri at hava meiriluta á Løgtingi.
ì sendingini viðmerkja Eirikur Lindenskov og Ingi Samuelsen politisku støðuna.
Luttakarar: Eirikur Lindenskov, blaðstjóri á Sosialinum, og Ingi Samuelsen, redaktørur á Portal.fo og Blaðnum Vikuskifti.
Gjørt sendingina: Krista Johnsdóttir Kreutzmann og Kári Mikkelsen, sum eisini var redaktørur.