Næmingatalið í flokkunum í fólkaskúlunum verður lækkað úr 24 niður í 20 næmingar, skúladagurin hjá næmingunum skal styttast, tvílæraraskipanin skal víðkast til at fata um bæði grund- og miðdeild, teir einstøku skúlarnir fáa størri frælsi at leggja til rættis, og lærarar skulu hava fleiri eftirútbúgvingar.
Hetta er millum tilmælini um broytingar í fólkaskúlalógini, ið ein arbeiðsbólkur er komin við og hevur handað Djóna Nolsøe Joensen, landsstýrismanni í barna- og undirvísingarmálum.

Gestir: Jenny Lydersen, Djóni Nolsøe Joensen, Torbjørn Jacobsen, Jóhannis Joensen, Steffan Klein Poulsen og Bárður á Lakjuni.

Gjørt sendingina hava Frants Jensen, Ruth Winther Poulsen og Hallur av Rana, sum eisini er redaktørur.
Tøkningur er Kári Annand Berg.