Málið um gongd í haga er framvegis ikki loyst.

Í Mykinesi krevja tey pening inn, tá ferðafólkini koma í land. Í Saksun stendur eitt gjaldsportur fyri fólki á fjórða ári á rað og Høgni Hoydal er 4. landsstýrismaður, sum hevur sett sær fyri at loysa málið um ferðavinnuna og føroysku náttúruna. Men fer tað at eydnast? Og hvat siga limirnir í rættarnevndini har eitt uppskot um eina lendisætlan væntandi skal viðgerðast til ferðavinnu og gongd í haga.

Kristianna Winther Poulsen, Helgi Abrahamsen, Steffan Klein Poulsen og Hervør Poulsdóttir, forkvinna í rættarnevndini, kjakast um evnið.
Eisini er ein longri samrøða við Magnus Gaard, lívfrøðing og rektara á Miðnám í Vestmanna, sum bjóðar út ferðaleiaraútbúgving.

Løgmaður og tølini

Løgmaður er komin í rasshaft av síni útlegging av russiska virkseminum í Føroyum, tí hann, at síggja til, pyntaði uppá landingartølini tá hann legði niðurstøðuna hjá landsstýrinum fram.
Ein longri samrøðu er við løgmann í seinnu helvt av sendingini.