Hevur Landsverk eina framtíð, og hvussu sær hon út?

Tað er kjarnin í einari greining, sum embætisfólk í miðfyrisitingini hava latið úr hondum, og sum nú er latin løgmanni.

Arbeiðsbólkurin nevnir tríggjar møguleikar:

- at dagføra verandi skipan við Landsverki,

- at fara aftur til skipanina, sum var galdandi fyri 2001, har aðalráðini sjálvi umsita byggiverkætlanir. Sostatt missir Landsverk leiklutin sum almennur byggiharri.

- og at stovna nýtt aðalráð, sum fær alla ábyrgd av bygging. Landsverk verður varðveittur sum stovnur, men politiska ábyrgdarbýtið verður greiðari.

Gestir: Aksel V. Johannesen, løgmaður, Sigurd L. Lamhauge, stjóri í Landsverki, og Marjun Hanusardóttir, fyrrverandi løgmansstjóri.

Gjørt sendingina hava: Hallur av Rana, Frants Jensen og Marjun Dalsgaard, sum eisini var redaktørur.