- Tíðindi, mentan og ítróttur
Breddin
Skulu allar útoyggjar vera ein kommuna?
Í kanning, sum Útoyggjafelagið hevur gjørt, siga tveir triðingar av teimum spurdu á útoyggj, at tey eru sera misnøgd við gongdina í bygdini ella oynni, har tey búgva.
Hugskotið at gera allar útoyggjar til eina kommunu er tikið fram aftur.
Vit hava Olgu Biskupstøð, samskipara í Útoyggjafelagnum, Óla Jákup úr Dímun, formann í Útoyggjafelagnum, og Tórbjørn Jacobsen, formann í Kommunufelagnum, í útvarpsstovuni.
Breddin fylgir eisini gongdini í verkfallinum, nú nógv bendir á, at løgtingið fer at leggja upp í sáttmálatrætuna millum Felagið Føroyskir Sjúkrarøktarfrøðingar og Fíggjarmálaráðið.
Gestir: Olga Biskupstøð, samskipari í Útoyggjafelagnum, Óla Jákup úr Dímun, formaður í Útoyggjafelagnum, Torbjørn Jacobsen, formaður í Kommunufelagnum, Beinta í Jákupsstovu, professari, Eirikur Lindenskov, blaðstjóri á Sosialinum og politiskur viðmerkjari, Tummas í Garði, varastjóri í Sjúkrahúsverkinum, Bjørt Samuelsen, løgtingsforkvinna og Ruth Vang, landsstýriskvinnu í fíggjarmálum.
Lagt sendingina til rættis: Frants Jensen, Ruth Winther Poulsen og Hallur av Rana, sum eisini er redaktørur.