Heilsumálaráðið royndi tilvitað at fjala upplýsingar fyri Kringvarpinum og Løgtingsins Umboðsmanni, sjálvt um Umboðsmaðurin fleiri ferðir royndi at fáa upplýsingar til høldar. 

Tí hevur aðalráðið fingið eina álvarsliga átalu frá Umboðsmanninum, sum er sent til løgtingið, løgmann og landsstýriskvinnuna í heilsumálum. 

Men hvat er hent, hví er tað álvarsamt og hvørjar eru avleiðingarnar?

Vit tosa við Turid Arge, aðalstjóra í Heilsumálaráðnum, og Duritu Sigmundsdóttir Djurhuus, løgfrøðing.

Føroyskir næmingar dumpa

Aldrin áður hava føroyskir næmingar staðið seg so illa í einari PISA-kanning, og skúlamyndugleikarnir mugu taka ábyrgd, sigur landsstýrismaðurin Djóni Nolsøe Joensen. 

Vit vóru til staðar tá úrslitið bleiv lagt framm í Kongshøll í gjár. 

Luttakarar: Turid Arge, John Rajani, Durita Sigmundsdóttir Djurhuus, Djóni Nolsøe Joense, Eyðun Gaard og Magnus Tausen.
Gjørt sendingina hava Krista Johnsdóttir Kreutzmann, Elin Winther Poulsen og Hallur av Rana, sum var redaktørur. 
Tøkningur var Kári Annand Berg.