Gestur í Credo er Tummas Kannuberg, sum er guðfrøðingur og námslektari á Fróðskaparsetrinum.

Vit syngja, at "kirkjan hon er eitt gamalt hús, stendur um tornini falla", men ger hon tað ?
Sagt verður, at vesturheimurin er við at verða avkristnaður. Kristnu virðini hvørva og vit tøma okkara siðir fyri Guð.

Hugtakið "nones" dagar undan, fólk sum siga seg ikki hava nakra trúgv, men fegin vilja savnast og hoyra góð orð og sang, men Guð verður ikki nevndur.

Kristnin og hennara hugtøk hava bundið fólk og samfeløg saman, men hetta broytist og menniskjan er alt meiri individualiserað og setur sína egnu trúgv saman, sum tað passar júst til tann einstaka.
Samstundis við øllum hesum kennir menniskjan í dag seg alt meiri einsamalla.