Anja brúkti átta tímar á fartelefonini hvønn dag

30-10-2019

Tann næsta mánaðin fer hon í holt við eina avrúsing frá snildfonini

Snildfonin hjá Anju Vidtfeldt Kvilt boðaði henni javnan frá, at hennara skíggjanýtsla á Apple iPhone lá um átta tímar í miðal. Tí boðaði Anja í vikuni frá á Facebook, at hon skifti sína iPhone út við eina Nokia 130. Hetta fyri at avrúsa seg frá stóru nýtsluni.

Hon vónir, at hetta fer at geva henni meira nærveru við familju, vinir og fólk sum heild. Alt ov ofta hevur hon fangað seg í, at fara á t.d. facebook uttan mið og mál.

Anja hevur sett sær fyri, at avrúsingin skal vara ein mánað fyri fyrst.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)