Hjá ítróttarfólki, sum eru von at venja, kann tað vera ein avbjóðing at halda venjingarstøðuna við líka, nú eingin skipað venjing er.

Summi sersambond hava lagt vegleiðingar og ætlanir út á netið, men einki samlað yvirlit hevur verið. Hetta verður tó broytt nú.

ÍSF hevur gjørt venjingaryvirlit á síni heimasíðu. Yvirlitið sæst her.

Andras Nolsøe, ítróttarráðgevi hjá ÍSF, sigur, at tað hevur storan týdning at hava fastar rutinur í gerandisdegnum.

Venjing, kostur og svøvnur skulu helst vera í fastari legu.