Hópfígging kann gera dreymin til veruleika

30-04-2020

Elin Brimheim Heinesen droymir um at fáa sangin hjá sær og pápanum, Jens Paula Heinesen, Sóleyan, útsettan fyri symfoniorkestur og kór

- Tá eg gjørdi lagið til yrkingina, hoyrdi eg symfoniorkestur og kór fyri mær, sigur Elin Brimheim Heinesen.

Men ein slík verkætlan er kostnaðarmikil, og tí fer ein hópfíggingarverkætlan av bakkastokki.

Málið er at savna í minsta lagi 60.000 kr. Til ber hjá einstaklingum, fyritøkum ella stovnum at stuðla við upphæddum frá 200 kr. upp til 10.000 kr.

Sum sæst á hópfíggingarsíðuni, fæst okkurt afturfyri stuðulin.

Verður málið ikki rokkið innan 40 dagar, fella allir pengarnir aftur til stuðlarnar.

Leinki til síðuna er her.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)