Beinagrind hjá Mariu moy sigst liggja í múrinum

23-06-2020

Gullskápið í Kirkubømúrinum goymir bæði beinagrindsleivdir av Mariu moy og petti av krossinum, har Jesus hekk á Golgata.

Kirkjubøur er eitt Slaraffenland fyri fornfrøðingar og søguáhugað annars.

Eitt nú stendur gullskápið á ytra eystara veggi á Kirkjubømúrinum. Framsíðan er ein fitisteintalva, ið er prýdd við mynd av Kristi á krossinum undir trimum bogum.

Á skápinum stendur á latínskum:

"Hetta er bústaður hjá hesum halgu gripum: Av krossi Harrans, av offurlambinnum, sí her hina halgu Mariu moy... bein av hinum sæla pínslavátti Magnusi... úr grøv Tollaks halga."

Um tað passar, er ivasamt.

Og tó.

Í skápinum, sum tvær ferðir er latið upp, hava tey funnið leivdir av bæði beinagrind og av viði. Lutirnir eru tó ongantíð kannaðir nærri ella tíðarfestir.

Hetta er ein av søgunum, sum Símun Arge, fornfrøðingur, fer at greiða frá, tá Tjóðsavnið skipar fyri summartúrum í Kirkjubø.

Fyrsti túrurin verður hósdagin klokkan 13. Til ber at melda seg til túrin á heimasíðuni hjá Tjóðsavninum.

Á myndini sæst Símun Arge, fornfrøðingur, saman við ein av danska konservatorinum Hans við Líkhús í Kirkjubø.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)