- Tíðindi, mentan og ítróttur
Góðan morgun Føroyar
Tónleikarin og framleiðarin Janus Rasmussen hevur nógv jørn í eldinum.
Her heima kenna vit hann best sum aðru helvtina av popp-bólkinum Byrta.
Men hann hevur eisini framleitt tónleik hjá fleiri tónleikarum - bæði her heima og uttanlands.
Og fæstu føroyingar munnu vita, at hann er partur av tekno-duettini Kiasmos, hvørs tónleikur verður dúgliga spældur á diskotekum kring allan heimin og nógv stroymdur á tónleikatænastum.
Eitt nú er kendasta lagið, Looped, spælt ikki færri enn slakar 32 milliónir ferðir á Spotify. Á øðrum plássi er lagið Blurred, sum er spælt slakar 25 milliónir ferðir.
Flestu vikuskiftini hjá Janusi Rasmussen hava seinastu árini verið nýtt í flogførum um dagin og á diskotekum um náttina.
Men í hesum korona-tíðum hevur Janus Rasmussen nýtt høvið at hugsavna seg um at gera nýggjan tónleik í upptøkuhølunum í einum gomlum flakavirki á bryggjuni í Reykjavík.
Finnur Koba hevur hitt Janus Rasmussen um vikuskiftið.