Í fororðinum í blaðnum stendur at lesa:

"Í 16 ár hava vit gjørt bløð til kvinnur, so roynd­ir­nar hava vit, og hugskotini mangla ikki. Og hóast tey serkønu í núverandi óvissu sam­felagsstøðu, sum hevur kostað bløðum og miðlum kring allan heim dýrt, allarhelst høvdu frámælt øllum at farið undir ein nýggja blað­útgávu, so hevur drívmegin um at menna, skapa nýtt og avbjóðandi miðla­tilfar verið við til at gera okkara fyrsta magasin til menn til veruleika.

Vit hava kallað vælskrivandi menn til arbeiðis, og saman við okkum hava teir skrivað 120 síður um vísind, mat, familjulív, mentan, fótbólt, bilar, politikk, bygging og nógv, nógv annað.

Vit vóna, at Maður fer at verða undirhaldandi lesn­aður, geva tær íblástur, vekja eitt kjak og geva tær eitt smíl við á vegnum. Góðan lesihug!"

Blaðstjórin, Tóra Effersøe Mortensen, vitjaði morgunsendingina og greiddi frá um nýggja blaðið.