Formlig líkaløn í 40 ár

08-03-2021

Hóast formligu lønarmunirnir blivu avtiknir í 1981, forvinna menn framvegis meir enn kvinnur.

– Hóast vit hava formliga líkaløn, so eru nógv viðurskifti í samfelagnum í 2021, sum vísa, at vit hava ikki líkaløn.

Soleiðis sigur Sonja Jógvansdóttir frá Samtaki, ið umboðar fakfeløgini.

Hon hevur savnað lønarhagtøl frá 1960 og fram til í dag.

Tað eru fleiri viðurskifti, sum mugu broytast, skulu vit fáa veruliga líkaløn, heldur Sonja Jógvansdóttir.

– Nakrir bygnaðir mugu broytast, vit mangla lógarkarmar, og síðani mugu fakfeløgini og arbeiðsmarknaðurin gera meir við spurningarnar, um teir ójavnar, sum vit síggja í dag, sigur Sonja Jógvansdóttir.

Í morgunsendingini greiddi Sonja Jógvansdóttir frá um arbeiðsmarknaðin, lønarmunir og kyn.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)