- Tíðindi, mentan og ítróttur
Góðan morgun Føroyar
Arbeitt verður við at at fáa grindadráp og grind á skránna Livandi mentan. Tað verður gjørt í samband við at Føroyar hava tikið við Unesco sáttmálanum um verju av siðaarvinum.
Kristina Djurhuus Christiansen, fólkalívsfrøðingur á Tjóðsavninum, vísir á, at grindarakstur hevur verið partur av føroyska mentanini síðani landnám.
Tí er eingin ivi um, at grindadráp skal bólkast undir okkara siðaarvi. Tað er ikki mín uppgáva at meta um, hvat er góð og minni góð mentan, sigur Kristina Djurhuus Christiansen.
UNESCO er ein stovnur undir ST, ið arbeiðir við vísindum og mentan. Av tí at Føroyar hava fingið atlimaskap í UNESCO, fáa vit atgongd til netverk og føreikar í UNESCO felagsskapinum, og harvið kunnu vit seta okkum mál og mið á altjóða stigi.
Føroyski báturin og føroyski dansurin er lagdur afturat skránni, og nú skal grindadráp eisini sleppa upp í part.