Porkerisdama fingið koyrikort í Saudi Arabia

04-06-2021

Nógv skjøl og tógvið stríð skuldu til, áðrenn Maureen Djurhuus Clarke fyrradagin fekk koyrikort í Saudi Arabi, har hon hevur búð í tvey ár.

Porkerisdaman Maureen Djurhuus Clarke hevur klárað nakað, sum lutfallsliga fáar kvinnur megnað.

Fyrradagin fekk hon koyrikort í Saudi Arabia, har hon hevur búð seinastu 2 árini.

Hetta hevur verið ein sera drúgv og knortlut tilgongd, tí tað hevur tikið Maureen hálvtannað ár at fáa koyrikortið. Orsøkin er, at hon er kvinna í Saudi Arabia.

- At eg nú havi koyrikort í Saudi Arabia, broytir ikki mín gerandisdag stórvegis, men tað snýr seg meira um prinsippið, tí eg vil fegin slóða vegin fyri, at fleiri kvinnur her í landinum kunnu fáa sær koyrikort, sigur Maureen Djurhuus Clarke.

Hóast konufólk fingu loyvi í 2018 at fáa sær koyrikort, er tað sera trupult at fáa progvið. Eitt nú kanst tú rokna við at dumpa royndirnar fleiri ferðir, soleiðis at tú noyðist at gjalda tilsamans nógvar pengar fyri at fáa koyrikort.

Í morgunsendingini greiddi Maureen Djurhuus Clarke frá tilgongdini at fáa koyrikort í Saudi Arabia.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)