Tað vóru nógv heimleys børn í gøtunum í Norðurkorea í 90'unum. Hungur og hall gjørdu, at fleiri foreldur kendu seg ráðaleys og flýddu til Kina.

Níggju ára gamal upplivdi Timothy Cho, at foreldur hansara flýddu. Frá tí degi var hann bæði foreldra- og heimleysur.

Eftir at hava verið fongslaður fýra ferðir eydnaðist honum loksins at koma úr landinum.

Í dag býr hann í Bretlandi og starvast hjá kristiliga felagsskapinum, Open Doors.