Elisabet vil upp á hægstu fitness tindarnar

28-09-2021

- Hetta er bara byrjanin. Longu nú fyrireiki eg meg til næstu kapping, sigur 23 ára gamla Elisabet Vang, sum nú kann kalla seg pro atletur í fitness og bodybuilding.

Tann 19. september í ár vann 23 ára gamla Elisabet Vang eina serstaka fitness kapping í Noregi.

Umframt at vinna fyrsta plássið kann Elisabet Vang nú kalla seg fyri ein pro atlet.

Hetta merkir í stuttum, at hon kann kappast í útlondum saman við øðrum íðkarum, har stigið er hægri, enn tað hevur verið til kappingarnar, sum Elisabet Vang higartil hevur kappast í.

- Tað krevur nógv av mær at kappast á so høgum stigi, og ja, eg havi ivaleyst ikki sama sosiala lívið sum onnur á mínum aldri. Hinvegin føli eg, at eg fái so nógv meira burturúr við at fyrireika meg til kappingar og at luttaka í altjóða kappingum, sigur Elisabet Vang.

Í morgunsendingini greiðir Elisabet Vang frá tilgongdini, tá hon skal fyrireika seg til stóra altjóða kapping í fitness og bodybuilding.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)