Drona kollveltir bjargingararbeiði

19-10-2021

Landsfelagið fyri bjargingarfeløgini í Føroyum fer í næstum at brúka dronu og dronubil í bjargingararbeiði.

- Hetta er ein kollvelting fyri bjargingarfeløgini kring landið.

Soleiðis sigur Jens Hansen, formaður í Havnar Bjargingarfelagi og umboð fyri Landsfelagið fyri bjargingarfeløgini í Føroyum.

Kollveltingin er, at Landsfelagið fyri bjargingarfeløgini í næstum fer at brúka eitt heldur øðrvísið amboð, tá hjálp skal veitast í eini neyðstøðu.

Felagið hevur útvegað sær eina heilt serliga dronu og sokallaðan dronubil. Tilsamans kostar hetta omanfyri 600.000 krónur.

- Hetta er tann nýggjasta tøknin á økinum, og bjargingararbeiði verður upp á nógvar mátar lættari, skjótari og betri, sigur Jens Hansen.

Í morgunsendingini greiddi hann frá dronuni og dronubilinum, sum eftir ætlan eru klár at brúka seinni í ár.

Her kanst tú síggja dronumyndir og myndir av serliga dronubilinum, sum í løtuni verður bygdur um til endamálið.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)