Seinastu tíðina hava vit hoyrt nógv um ónøgdina við at bíðitíðin til útgreining á psykiatriska deplinum er so long.Til dømis bíða børn meira enn eitt ár eftir at sleppa framat. Í hesum sambandi hevur felagið føroyskir sálarfrøðingar sent út eitt tíðindaskriv, sum er teirra íkast til kjakið um bíðitíðina. Tær vísa á, at meiri tvørfakligt samstarv skal skipast, og at tað harafturat eigur at vera hjálp til børn og ung, sum ikki hava eina diagnosu.
- Sorg er ein partur av lívinum, og tí er tað nátúrligt at hava tað trupult. Tað er ikki altíð barnið, ið hevur keðiligan atburð, sum er trupulleikin, men truplu umstøðurnar runt um barnið.