Herfyri hoyrdist, at sangurin, Lukkan er ei gullið, var umsettur til elvdalskt. Tað var ein málkønur ísraelsmaður, sum setti seg í samband við Jens Marna Hansen við hesum hugskotinum.

Jens Marni eigur lagið og Kemm Poulsen orðini.

Yair Sapir er PhD í norðurlendskum málum og sangskrivari. Hann rekur av sínum eintingum verkætlanina, Small Languages Rock.

Endamálið er breiða út sangir úr smámálum til onnur smámál.

Tað er hann, sum hevur fingið í lag, at Lukkan er ei gullið nú er umsettur til trý mál umframt føroyskt.

Ikki er óhugsandi, at okkurt mál legst aftrat seinni, leggur ísraelin aftrat.