Klaksvíkingur bjóðar av

23-11-2021

Tað er ikki ein króna í hesum, men vinarlagið og venjingin er tað, sum drívur verkið, sigur Magnus Norðberg

Síðsta kappróðrarár var als eingin ivi um, hvør bátur var besta 10 mannafarið. Klaksvíkingur vann allar róðrarnar.

Nú boðar manningin á Klaksvíkingi frá, at hon aftur rør í 2022.

Tað var lætt at manna bátiin, og tað er næstan sama manning sum í fjør, sigur Magnus Norðberg.

Síðsta róðrarár vóru tað tríggir bátar, Klaksvíkingur, Ormurin Langi og Havnarbáturin, sum kappaðust.

Tað hevði verið stuttligt, um feltið bleiv eitt sindur størri hesa ferð, heldur sigursvandi rógvarin.

Spurningurin er, um tit tora.

- Ormurin Langi, Havnarbáturin, Eysturoyingur, Drekin Reyði, Suðuroyingur, Norðoyingur og Vestmenningur.

Klaksvíkingur er klárur.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)