Hesa ferð er Elon Musk ársins persónur hjá tíðarritinum Time.

Elon Musk er heimsins ríkasta fólk í søguni. Samlaðu ognir hansara verða mettar at hava eitt virði áljóðandi 300 milliardir dollarar.

Tey flestu kenna hann frá stóru og skjóttvaksandi fyritøkuni TESLA, sum ger el-bilar.

Eisini hevur hann gjørt vart við seg fyritøkuni í Space X, har hann er lyklapersónur í at gera rúmdina til framtíðarferðamál hjá vanligum fólki.

Á Twitter eru 65 miljónir, sum fylgja Elon Musk. Í fleiri umførum hava hansara tweet havt beinleiðis ávirkan á partabrævamarknaðin. Ikki minst hava fleir crypto-gjaldoyru sveiggja nógv, tá Elon Musk hevur umrøtt tey á sínum twitter-vanga.

Men øll eru ikki fegin um, at Elon Musk er Person of the Year. Víst verður á at hann, eins og eitt nú Warren Buffet, Jeff Bezos, og onnur av heimsins ríkastu fólkum, rinda nógv minni skatt enn tey av røttum eiga.

Onnur seta spurnartekn við, hví heimsins ríkasti persónur ikki brúkar størri part av sínum ríkidømi, til at hjálpa teimum, ið eru ringast fyri.

Annars vísir Time Magazine á, at Person of the Year, ikki sigur nakað um, hvørt viðkomandi hevur ávirkað heimin tann rætta ella skeivan vegin. Bara at ávirkanin hevur verið ógvuliga stór.

Við síni útstráling og útsøgnum minnir hann á mangan hátt meiri um eina rokkstjørnu enn ein vinnulívsmann. Millum annað tað hevur gjørt, at Elon Musk hevur hópin av fjepparum um allan heim. Eisini í Føroyum.

Morgunsendingin skiftir orð við Martin Andreas Kruse um Elon Musk.