Í eitt ár hava dyrnar í Vesturkirkjuni verið opnar gerandisdagar, soleiðis at øll hava møguleikan at seta seg í friði og náðum við teimum trupulleikaum tey stríðast við. Til ber at tendra eitt ljós, biðja eina bøn ella skriva ein lepa til prest um forbøn.

- Vit hava sæð hetta við teimum opnu kirkjunum í suðurlondum í nógv ár, og seinastu tíðina eru nógv fólk, sum hava saknað tað, kirkjan plagdi at bjóða, áðrenn koronu. Hetta hevði við sær at kirkjuráð, kirkjutænarar og prestar máttu hugsa øðrvísi, sigur Bergur Debes Joensen.

Kirkjan er opin gerandisdagar frá kl 10 til 17, soleiðis at fólk kunnu koma inn, tá tey hava eina løtu, í eina kirkju, sum er opin, ljós og flógv.