- Vit skulu keypa meira føroyskt

05-01-2022

Matkovin er ein fyritøka og ein heimasíða, sum skal varpa ljós á føroyskar matvørur, og nú ber til at keypa beinleiðis av heimasíðuni.

Kvinnan handan Matkovan er Sunniva G. Mortensen, og ætlanin hjá henni er at fáa fólk at keypa meira føroyskt, og at fáa rættvísi inn í sølu av føroyskum mati.

- Nógv fólk vilja keypa føroyskt, men tað er trupult at fáa rættan kostnað fyri vørurnar, í mun til vørur, sum koma aðra staðni frám sigue Sunniva.

Eisini saknar hon at virkir og stovnar taka sær ein størri leiklut og til dømis hava ein dag um vikuna, har tey bert servera føroyskan mat fyri starvsfólkum. Nógv ymiskt er, sum kann geva lokalt framleiddum mati størri rúmd.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)