Tað er í kvøld eftir Dag og viku, at dokumentarurin um Gimma verður í sjónvarpinum.

Hóast hann er 93 ára gamal, so er hann ógvuliga ungur í sinni.

Fyri seks árum síðani brendu húsini hjá Gimma Hansen í Rituvík í grund. Við eitt fór lívsverkið, hann sjálvur hevði smíðað sær, upp í royk.

Men einki er so ringt, at tað ikki er gott fyri okkurt.

93 ára gamli maðurin av Slættanesi er nú fluttur inn í kjallaran hjá soninum á Signabø, har hann tekur bussin hvønn fyrrapart til Havnar.

Í býarlívinum hevur Gimme Hansen fingið nýtt lív og nýggjar vinir.

Morgunsendingin skiftir orð við Finn Koba og Jónfinn Stenberg, ið hava lagt sendingina til rættis.