Borðreiða við hvølju á KOKS í Grønlandi

09-06-2022

Sunnudagin letur KOKS upp matstovu í Grønlandi við lokalum rávørum sum hvølja, rýpu og moskusoksa. Hetta meðan ísfjøll flóta framvið uttanfyri

Tað ljóðar so friðsælt - og tað er tað eisini - men KOKS hevur eisini havt ávísar avbjóðingar síðani tey komu til Grønlands. Húsið, sum matstovan skal vera í, er friðað og avmarkar teirra virksemi, umframt at ísur hevur órógvað og seinkað nýggja fyribils-køkin, sum skal byggjast uttanfyri.

Koks Grønland

Í løtuni eru tey sløk 30 fólk, sum arbeiða við at lata KOKS upp í Ilimanaq í Grønlandi sunnudagin. Tá matstovan er klár og alt er komið í rætt lag, eru tey umleið 20 fólk, sum reka matstovuna, sum rúmar 30 gestum.

Koks Grønland

Á myndini omanfyri eru tað nakrir menn, sum skera eina stóran grønlandshval upp. Tað tók sjey monnum tríggjar dagar at fáa hvalin til hølvdar.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)