Karl býr í Sandavági, og hann hevur altíð havt áhuga fyri slíkum veruleikasjónvarpsrøðum og droymt um at verið við í slíkari.

Hann setti sær sum mál, at han skuldi við í Ex on the Beach, so hann hevur seinastu árini gingið nógv upp í, hvussu kroppurin sær út og hevur vant miðvíst fyri at fáa ein so vælbygdan kropp sum gjørligt.

- Eg havi altíð droymt um tað, og eg havi altíð vitað, at eg var eitt sindur "eyka", sigur Karl.

Karl Weihe

Karl hevur vant miðvíst fyri at fáa ein so vælbygdan kropp sum gjørligt.

Karl hevur gjørt nógv burturúr at reklamera fyri sær sjálvum á sosiala miðlinum Instagram og væl hevur riggað, tí framleiðararnir varnaðust hann og bjóðaðu honum at vera við í Ex on the Beach.

- Hetta er akkurát eg, eg eri týpa til hatta, eg elski dámur, elski fest, summar og sól og eri ein orkubumba, sigur Karl Weihe.

Karl Weihe

Karl Weihe til frumframførslu av fyrsta parti í veruleikarøðini Ex on the Beach

Konseptið fyri veruleikasjónvarpsrøðina Ex on the beach er, at fýra stakir, ungir menn og fýra stakar, ungar kvinnur hittast á strondini í einum heitum landi. Har skulu tey tosa og hugna sær saman, fara á "date" og koma at kenna hvørt annað.

Men so mitt í øllum koma fyrrverandi sjeikar ella unnustur upp í leikin og spilla spælið.

- Eg haldi, at fólk skulu gleða seg, sigur Karl Weihe.

Lurta eftir samrøðuni við Karl Weihe, har hann greiðir frá, hví hann er við í røðini, hvussu upplivingin hevur verið, og hvørjar tankar hann hevur gjørt sær, nú hann gerst ein fyrimynd fyri nógv ung. 

Karl Weihe

Karl hevur júst verið í Turkalandi og fyrireikað seg til frumframførsluna av Ex on the Beach.