Bára Traustadóttir í Nólsoy er fødd og uppvaksin í Vestmannaoyggjum, og hon var níggju ára gomul, tá ið tað stóra eldgosið brádliga gjørdi um seg eina januarnátt.

Mamman, sum var úr Nólsoy, flutti á ungum árum til Íslands at arbeiða, fann sær mann og búsettist í Vestmannaoyggjum.

Sjálv er Bára fyri 15 árum síðani flutt til Nólsoyar, har hon ferðaðist nógv um sumrarnar sum barn, og nú búgva hon og maðurin, Björn, við sínum fýra synum har.

Um dagarnar fór Hilmar Jan Hansen ein túr til Nólsoyar fyri at hoyra frá einum av teimum, ið upplivdi hesa náttina fyri hálvtrýss árum síðani, tá ið oyggin, býurin, havnin og lívið hjá teimum, ið har vóru, broyttist nógv.