Joe and the shitboys á konsertferð í Kanada

31-01-2023

Tónleikabólkurin Joe and the shitboys er fyri fyrstu ferð á konsertferð uttanfyri Evropa. Í løtuni spæla teir fleiri konsertir ymsa staðni í Kanada

Fríði Djurhuus, Jónsvein Mikkelsen, Sigmund Zachariassen og Ólavur á Skipagøtu eru Joe and the shitboys. Teir eru júst nú á konsertferð í Kanada.

Fríði Djurhuus gleðist um møguleikan, sum teir hava fingið, og sigur, at tað er sera øðrvísi og stuttligt at vera í Kanada og spæla konsertir.

Teir hava havt fleiri konsertir ymsa staðni í Kanada, og morgunsendingin fekk orðið á Fríða, meðan hann var á flogvøllinum í Calgary á veg til Winnipeg.

Tíverri varð eitt flogfar avlýst, so teir gjørdust ov seinir til konsertina í Winnipeg. Men teir halda fram við konsertferðini, og eftir eru býirnir Montreal og Toronto.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)