Talið av klamydia og gonoré tilburðum veksur árliga, sigur Marin í Dali, lækni, sum hevur stovnað Kyn. Tí varpa tey eisini ljós á kynssjúkur í ár og framleiða ein føroyskan film um kynssjúkur.

Tað kann hugsast, at ung ikki er nóg røsk at nýta fyribyrging móti kynssjúkum, tá ið talið er vaksandi.

Fleiri ung hava eisini eitt nú klamydia uttan at vita av tí, sigur Marin í Dali.

Harafturat ger Kyn eina kanning á netinum, sum snýr seg um kynssjúkur og fyribyrging. Kanningin verður almannakunngjørd á almennum tiltaki í Perluni hóskvøldið 9. februar.

Hetta er fjórða árið, at Kyn hevur seksualundirvísing kring landið. Maria Reynstind, bachelor í atferðarvísind, er í nevndini hjá Kyni. Hon greiddi frá undirvísingini, og hvussu tey hava fyrireikað seg til viku sex í ár.

Maria sigur eisini, at ung kundu hugsað sær meira seksualundirvísing, og tí heldur hon, at mann eigur at raðfesta tað hægri politiskt í Føroyum.

Harumframt átti mann at gjørt hítir meiri atkomiligar, tí tað er tann besti hátturin at fyribyrgja kynssjúku.