Send mær meira pengar er Ársins útvarpshitt

10-03-2023

Alla vikuna hava føroyingar í túsundatali tikið lut í atkvøðugreiðsluni

96 nýggir sangir vóru við at byrja við. Mikudagin komu 10 teir fremstu víðari í kappingini. Í morgun var avdúkað, hvørjir teir fremstu eru.

Tá avtornaði var eingin ivi. Við 28 prosentum av atkvøðunum er Send mær meira pengar hjá RSP ein greiður vinnari.

Heini Ronnason á Heygum er høvuðsmaður í bólkinum, og hann fegnast um henda heiðurin.

Ikki minst tí tað er fólkið, sum hevur atkvøtt.

Hann lovar eina kanónframførslu leygarkvøldið, tá RSP fær handað virðislønina fyri Ársins útvarpshitt 2022.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)