Alt er frívilligt, og fimm kvinnur seyma barnaklæðir, tá tær hava eina løtu til yvirs.

- Tað, sum vit leggja okkum eftir, er at velja mynstur, sum eru einføld at seyma, og sum eru góð hjá børnum at vera í, sigur Rutt Mikkelsen, sum tekur sær av seymingini.

Eini fimm kvinnur leggja leiðina inn á gólvið í Nýný, tá tær hava eina løtu, og seyma barnaklæðir úr øllum frá gardinum og seingjarklæðum til avlagdar harraklædningar.

- Høvdu vit havt umstøður og fólk, so kundu vit havt eina heila fabrikk, so nógv toy hava vit, sigur Rutt.