Avhendingarskyldan tryggjar vitanina um føroyska mentan

13-04-2023

Tað er trupult at siga, hvat tilfar hevur virði í framtíðini. Tí hevur týdning at goyma alt, ið verður givið út alment í Føroyum, siga tey á Landsbókasavninum

Sambært ásetingum í § 24 í bókasavnslógini skulu fýra ókeypis eintøk av øllum verkum, útgivin í Føroyum, avhendast til Landsbókasavnið.

Tilfar, ið skal latast Landsbókasavninum, er eitt nú bøkur, fløgur, filmar, ársfrágreiðingar, lýsingabløð, faldarar, plakatir og postkort.

Talgilt tilfar og útgávur á netinum koma eisini undir avhendingarskylduna.

Endamálið við avhendingarskylduni er at tryggja, at vitanin um føroyska mentan, søgu og føroyskt samfelagslív verður varðveitt til gagns fyri gransking og almenningin.

Avhendingarskyldan tryggjar eisini støðið undir tjóðbókaskránni.

Sólvør Henriksen og Øydis Bjerre frá Landsbókasavninum greiða frá avhendingarskylduni.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)