- Tíðindi, mentan og ítróttur
Góðan morgun Føroyar
Hugtakið diabetes distress eitur á føroyskum diabetesstrongd og hevur verið eitt kent fyribrigdi uttanlands í langa tíð. Tó er hetta ikki nakað, ið nógv hevur verið tosað um her umleiðir fyrr enn nú.
Ingrid W. Tapager, granskari og granskingarleiðari á Steno Diabetes Center í Keypmannahavn vitjar í Føroyum og fer at siga frá hugtakinum á tveimum ymiskum tiltøkum í dag.
- Tað er tíverri rættiliga vanligt, at fólk við diabetes fáa diabetesstrongd, og tað eru bæði fólk við typu eitt og typu tvey, sum talan er um. Summar kanningar vísa, at upp í 60 prosent av sjúklingunum eru strongd, meðan tær flestu nevna tøl millum 20 og 40 prosent.
Bæði May-Britt Skoradal frá Diabetesfelagnum og Beinta Joensen sjúkrarøktarfrøðingur á Steno miðstøðini kenna trupulleikan væl, og tær eru fegnar um, at orð nú verða sett á.