Viðhvørt mugu ær hava hjálp til at lemba

10-05-2023

- At tú steðgar á og hjálpir, kann verða altavgerandi fyri, hvussu lagnan hjá ær og lambi verður, sigur Signar Petersen, djóralækni.

Hesa tíðina síggjast seyður og lomb nógva staðni kring landið.

Fyri nøkrum døgum síðani hevði Eliana Svøðstein úr Kunoy eina heldur øðrvísi uppliving, tá hon herfyri koyrdi sonin í skúla.

- Við vegjaðaran lá ein ær. Hon tóktist illa fyri, og so sá eg, at hon var í ferð við at lemba, men tað gekst illa. Eg ringdi til onkran, sum veit nógv um seyð, og við góðum ráðum og vegleiðing fekk eg hálað lambið út, sigur Eliana Svøðstein.

Sum heild eru ær og lamb væl fyri, takkað verið góðu og skjótu hjálpini frá Elianu Svøðstein.

Men nær skalt tú blanda teg upp í eina lembing?

Hesum spurningi svarar Signar Petersen, djóralækni, í morgunsendingini.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)