Bygdarlívið á Ytru Hebridunum fyri 50 árum síðani lýst í nýggjari bók

21-11-2023

Susanne Barding hevur búð í Føroyum í hálva øld, og hon dylur ikki fyri, at Føroyar og Ytru Hebridurnar líkjast á mangan hátt

Frá 1970 til ´72 var antropologurin, Susanne Barding, á vísindaligari kanningarferð í Berneray á Hebridunum.

Nú, góð 50 ár seinni, er bók komin út, sum ógvuliga neyvt lýsir bygdalívið í Berneray.

Enska heitið er: ´Tis 50 Years Since - a Study of Life in a Hebridean Island Community.

Hon er góðar 600 síður, og fleiri enn 100 samtíðarmyndir eru í henni.

Høvundurin hevði ikki verið aftur í Bernarey øll hesi árini, men í sambandi við útgávuna vitjaði hon aftur. Tað var eitt heilt øðrvísi samfelag, ásannar Susanne Barding.

Útgávutiltak var í bygdarhúsinum. Nógv fólk var samankomið, og eini 100 bøkur vórðu seldar.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500