50 ár síðani Komið øll við hjá Straight Ahead

08-02-2024

17. og 18. mai verða fagnaðarkonsertir í mentanarhúsinum Varpinum í Klaksvík

Hetta er eitt høvi at heiðra bólkin, sum gav føroya fyrstu rokkplátu út, sigur Rani Nolsøe, ið er í fyrireikingarbólkinum.

Sjálvur minnist Rani væl fyrstu ferð, hann hoyrdi Komið øll við í útvarpinum.

Hann sat saman við pápa sínum, sum als ikki skilti hetta nýggja, men fyri Rana rakti tað plett.

Hann ásannar, at Straight Ahead hevur verið ein stór tónleikalig íblástrarkelda.

Hóast bólkurin bara var virkin nøkur fá ár, so legði hann nógv eftir seg.

Tvær singulplátur, eina EP og legendarisku Veðraplátuna.

Mest sum alt tilfarið verður væntandi spælt á fagnaðarkonsertunum í Klaksvík 17. og 18. mai, tá nakrir av bestu føroysku tóleikarunum fara at tulka Staright Ahead.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)