Góðan morgun Føroyar

Foreldur spæla stóran leiklut í rúsdrekkavanum
26-02-2024
Summi foreldur halda, at tey hjálpa teimum blaðungu við at geva teimum nakrar fáar øl, men í roynd og veru er hetta ein bjarnatænasta, heldur SSP-ráðgevi.

At geva barninum ávísar mongdir av rúsdrekka, áðrenn tað er 18 ár, er tað sama, sum at siga, at tú góðtekur, at barnið drekkur.

Tað heldur Daisy Iversen, sum er ráðgevi í SSP, sum er samstarvið millum skúla, sosialar myndugleikar og politi.

Í arbeiðinum hittir Daisy Iversen ung fólk kring landið og foreldur teirra. Hóast vit í Føroyum ikki hava neyv tøl, so er hennara fatan, at vit ivaleyst fylgja gongdini í rúsdrekkavanum í londunum rundan um okkum - tey ungu drekka minni enn fyri 20 árum síðani.

Tað er serliga sambandið við foreldrini, og hvørji vinfólkini eru, sum hevur ein týðandi leiklut, tá tað snýr seg um ung undir 18 ár og rúdrekkavanar.

- Í teimum førunum, har foreldrini ikki góðtaka alkohol, áðrenn børnini er 18 ár, byrja børnini aloftast seinni at drekka og harafturat drekka tey eisini minni mongdir, sigur Daisy Iversen.

Hóast tað ikki ber til at siga, at ein ávís týpa byrjar at drekka á ungum árum, er tó eitt, ið hevur týdning í hesum sambandi.

- Børn og ung undir 18 ár, sum trívast væl í skúlanum, ganga til ítrótt, hava ymiskt frítíðarvirksemi og eru partur av einum felagsskapi, byrja oftast seinni við at drekka, sigur Daisy Iversen.

Í morgunsendingini greiðir Daisy Iversen frá alkoholvanum hjá teimum ungu, og hvørja ávirkan foreldur og onnur rundan um tann unga hava á rúsdrekkanýtsluna.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.   Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)
Innsavning Blái Krossur, veðrið, kapping, Eurovision, ójavni í lønarlagi
10-05-2024
Veðrið, húðkrabba, samkirkjudagar, straight ahead
08-05-2024
Veðrið, hondbóltur, stand-up, slaktari
07-05-2024
Veðrið, føðslutalvan, sjúkrahús- og fongsulsprestur
06-05-2024
Veðrið, kapping, royal taska, Hamradun
03-05-2024
Dansibandsfestivalurin í Vági, veðrið, Closed for maintanance, sjúkrahússkip í Afrika, heimavirkisfelag
02-05-2024
100 km í mai, veðrið, valdið aftanfyri valdið, visitnorth, mjørki
01-05-2024
Veðrið, lágur føðitíttleiki, brand vísitalið, kamping
30-04-2024
Veðrið, bamsulummavinir í Føroya Politi, danskur politikari heldur dýra biðidag í Føroyum
29-04-2024
Veðrið, Tróndur Patursson, Toni Dam, John Kjær, Sølvá J. Joensen
24-04-2024
Veðrið, FC Hoyvík, Jens Thorolf Nolsøe Dam, Yppa, fiskikapping
23-04-2024
Veðrið, Tjóðskjalasavnið og tey 17 heimsmálini hjá ST á bókasøvnunum
22-04-2024