- Tíðindi, mentan og ítróttur
Góðan morgun Føroyar
Svensk kanning staðfestir, at børn og ung í millum 8 og 14 ár nógv heldur fara til mammu sína enn pápan at tosa, tá eitthvørt nívir tey. Hetta kennir Erling Fles, sálarfrøðingur, aftur, tá hann samanber við rákið, sum hann sær í sínum egna viðtaluhøli.
Í nógv teimum flestu førunum er tað mamman, sum kemur við barninum, nevnir sálarfrøðingurin sum eitt dømi.
Nátúrlig umsorgan
Hann heldur, at ein orsøk kann vera, at mammur frá gamlari tíð oftari vóru heima og um børnini, og at tær eisini hava tað meira nátúrliga í sær at leggja oyra til tos um trupulleikar.
- Tað snýr seg um at tora at lata standa til og at lata barnið ella tann ungan bara vera í støðuni, heldur enn at loysa avbjóðingarnarn. Og man skal eisini tora at seta truplar spurningar, sigur Erling Fles.
Tosa við vinfólk
Morgunsendingin hevur verið á vitjan í Húsinum í Klaksvík, har Bjørg Østerø, Kertin Nysted og Tanja Bogdanovic greiða frá, hvussu tær gera, tá eitthvørt nívir.
Tær siga allar tríggjar, at tær tosa mest við vinfólk.
Les eisini: Tosa við foreldur ella vinfólk
Les eisini: Fimm góð ráð til at tosa við børn og ung