Lennon-drápsmaður biður um at sleppa úr fongsli

<p>Mark Chapman, sum drap fyrrverandi beatles-leikaran, John Lennon, roynir nú fyri sjeyndu ferð at fáa grið, siga keldur í New York State-fongslinum.</p>

<p>Ein talskvinna fyri fongslið sigur, at umbønin frá John Lennon kemur til viðgerðar í eini hoyring, sum byrjar í morgin, og sum fer at vara tveir ella tríggjar dagar. Hon væntar, at støða verður tikin til umbønina seinni í vikuni.</p>

<p>57 ára gamli Chapman varð í 1981 dømdur millum 20 ár og fongsul fyri lívið fyri at hava skotið John Lennon 8. desember í 1980.</p>

<p>John Lennon og kona hansara, Yoko Ono, vóru á veg til hús, tá Lennon varð myrdur nærindis Central Park í New York.</p>

<p>Yoko Ono hevur áður sagt, at Chapman er framvegis ein hóttan móti henni og báðum synunum. Chapman hevur annaðhvørt ár síðani 2000 biðið um at verða royndarleyslatin, men hvørja ferð er umbønin sýtt.</p>